Chandrapur Crime : पैसे आणि वासनेच्या हव्यासापोटी माणसातील माणुसकी कशी नष्ट होते, याचा एक अत्यंत संतापजनक आणि अंगावर काटा आणणारा प्रकार चंद्रपूरमध्ये समोर आला आहे. एका निर्दयी मातेने आपल्या पोटच्या दोन निष्पाप मुलांची विक्री केल्यानंतर, तिच्या नराधम प्रियकराने तिच्याच अवघ्या १५ वर्षांच्या अल्पवयीन मुलीला आपल्या वासनेची शिकार बनवले.
या अत्याचारानंतर ती अल्पवयीन मुलगी गरोदर राहिली. पुढे तिने जन्म दिलेल्या नवजात बाळाचाही सौदा करण्यात आला. हे अत्यंत भयंकर पाप आणि बाळ विक्रीचा अमानुष व्यवहार जगासमोर येऊ नये, म्हणून मुख्य सूत्रधार याने क्रूरतेची परिसीमा गाठत त्या पीडित मुलीचे चक्क मुंडण केल्याची धक्कादायक बाब पोलीस तपासात उघड झाली आहे.
या रॅकेटचा पर्दाफाश करत रामनगर पोलिसांनी बुधवारी रात्री फरार असलेला मुख्य नराधम याच्यासह तेलंगणातील कागजनगर येथील बाळ खरेदीदार महिलेच्या चंद्रपुरातील एका नातेवाईकाला अटक केली आहे.
भीतीपोटी मुलीला घरातच डांबले!
पीडित मुलगी अवघ्या १५ वर्षांची असून, तिच्यावर झालेल्या अत्याचाराची वाच्यता तिने शेजाऱ्यांकडे करू नये, तसेच लोक काय म्हणतील या भीतीने तिने घराबाहेर पाऊल टाकू नये, यासाठी आरोपीने तिचे केस कापून तिचे मुंडण केले होते. या अमानुष कारवायानंतर पोलिसांनी पोलीस अधीक्षक यांच्या मार्गदर्शनाखाली, यांच्या पथकाने तातडीने कारवाई करत आरोपींना गजाआड केले.
Also Read : चंद्रपुरात भामट्यांचा नवा फंडा ‘आम्ही पोलीस आहोत’ सांगत भरदिवसा ज्येष्ठ नागरिकाचे ८ तोळे सोने लुटले
आता दुसऱ्या मदतगाराचा शोध सुरू
चंद्रपूर शहरात बाळ खरेदी करण्यासाठी आणि हा बेकायदेशीर व्यवहार पूर्ण करण्यासाठी स्थानिक महिला नातेवाईकासोबतच आणखी एका पुरुषाने मदत केल्याची खात्रीशीर माहिती पोलिसांना मिळाली आहे. त्याचे नाव व इतर धागेदोरे हाती लागले असून, रामनगरचे पथक त्याच्या मागावर आहे.
तिघांची होणार ‘डीएनए’ चाचणी! Chandrapur Crime
बाळाची सुखरूप सुटका:
पोलिसांनी यापूर्वीच निर्दयी माता आणि तेलंगणातील बाळ खरेदी करणाऱ्या महिलांना ताब्यात घेऊन, विक्री केलेले नवजात बाळ चंद्रपुरात सुखरूप परत आणले होते.
डीएनए किट मागवली:
या रॅकेटमधून यापूर्वी विक्री केलेल्या दोन्ही बाळांसह एकूण तीन जणांची डीएनए (DNA) चाचणी करण्यात आली आहे. अल्पवयीन पिढीत मुलगी आणि तिचे बाळ या दोघांची डीएनए चाचणी होण्याचे असून, त्यासाठी विशेष डीएनए किट मागवण्यात आले आहे.
भारतीय नातेसंबंध आणि माणुसकीला लाज आणेल अशी ही घटना समाजात लपलेल्या विकृतीचा क्रूर चेहरा दाखवते. आपल्या आसपास अशा कोणत्याही बालकावर किंवा अल्पवयीन मुलीवर अन्याय होत असल्याचे आढळल्यास तात्काळ पोलिसांशी (डायल ११२) संपर्क साधा. तुमची एक सतर्कता कोणाचे तरी आयुष्य वाचवू शकते.
Also Read : Chandrapur : स्मशानभूमीत अघोरी विधीचा संशय; अंत्यसंस्कारानंतर काही तासांतच रंगला थरार, तिघे जखमी.
अशाच ताज्या, महत्त्वपूर्ण आणि गुन्हेगारी विश्वातील घडामोडींच्या अपडेट्स थेट तुमच्या मोबाईलवर मिळवण्यासाठी आजच आमच्या व्हॉट्सॲप ग्रुपला जॉईन व्हा!
