NEET Paper Leak Protest in Wardha : देशभरात गाजत असलेल्या ‘नीट’ (NEET) परीक्षा घोटाळा आणि पेपरफुटीच्या प्रकरणाचे पडसाद आता स्थानिक पातळीवर तीव्रतेने उमटू लागले आहेत. या गंभीर घोटाळ्याचा निषेध करण्यासाठी वर्धा जिल्हा युवक काँग्रेसच्या वतीने गुरुवारी सायंकाळी शहरात एक भव्य ‘मशाल मोर्चा’ काढण्यात आला. लाखो विद्यार्थ्यांच्या भवितव्याशी खेळणाऱ्या केंद्र सरकारवर कडाडून टीका करत आंदोलकांनी केंद्रीय शिक्षण मंत्री धर्मेंद्र प्रधान यांच्या तात्काळ राजीनाम्याची मागणी लावून धरली.
ठाकरे मार्केट ते शिवाजी चौक: पेटत्या मशालींनी दणाणले शहर
या आंदोलनाची सुरुवात शहरातील ठाकरे मार्केट परिसरात असलेल्या माजी आमदार दिवंगत महादेवराव ठाकरे यांच्या पुतळ्याचे पूजन करून झाली. यानंतर हातामध्ये पेटत्या मशाली घेऊन निघालेला हा भव्य मोर्चा छत्रपती शिवाजी महाराज चौकात पोहोचला. तिथे शिवरायांच्या पुतळ्याला माल्यार्पण करून या मशाल मोर्चाचा समारोप करण्यात आला.
या आंदोलनात जिल्ह्यातील काँग्रेस, युवक काँग्रेस आणि एनएसयूआयचे (NSUI) अनेक प्रमुख पदाधिकारी आणि कार्यकर्ते मोठ्या संख्येने सहभागी झाले होते. यामध्ये प्रामुख्याने युवक काँग्रेसचे नागपूर विभाग प्रभारी तथा प्रदेश प्रवक्ता कपिल ढोके, जिल्हा प्रभारी सागर चव्हाण, सहप्रभारी आयुषी देशमुख यांच्यासह जिल्हा काँग्रेसचे अध्यक्ष सुनील कोल्हे, माजी जिल्हाध्यक्ष मनोज चांदूरकर, शेखर शेंडे, प्रवीण हिवरे, डॉ. अभ्युदय मेघे, बाळा माऊसकर, महिला काँग्रेसच्या जिल्हाध्यक्ष अरुणा धोटे, अंकीत हिवरे, शिवराज शिंदे, विराज शिंदे, अमोल उघडे, राहुल सुरकार आणि गोविंद दिघीकर उपस्थित होते.
Also Read | Wardha Accident News : बुडणाऱ्या भाच्याला वाचवले, पण मामावरच काळाचा घाला.
नियोजनाचा अभाव आणि गर्दीत घुसली ऑटो!
एकीकडे पेपरफुटी विरोधात आवाज बुलंद केला जात असताना, दुसरीकडे या मोर्चात नियोजनाचा मोठा अभाव दिसून आला. मोर्चा सुरू होताच आंदोलक आणि वाहनांची प्रचंड गर्दी झाल्याने शहरातील वाहतूक व्यवस्था पूर्णपणे कोलमडली. त्यातच एक ऑटो थेट आंदोलकांच्या गर्दीत शिरल्याने एकच गोंधळ उडाला. अखेर पोलिसांनी आणि आंदोलनातील कार्यकर्त्यांनी धावपळ करत त्या ऑटोचालकाला बाहेर पडण्यासाठी रस्ता करून दिला.
आंदोलनात जिल्हा काँग्रेसमधील गटबाजी चव्हाट्यावर
या संपूर्ण आंदोलनादरम्यान वर्धा जिल्हा काँग्रेसमधील अंतर्गत मतभेद आणि गटबाजीचे खुले दर्शनही नागरिकांना घडले. मोर्चाच्या सुरुवातीला जिल्ह्यातील दोन प्रमुख गट मागे-पुढे चालताना स्पष्टपणे दिसून येत होते, ज्यामुळे राजकीय वर्तुळात उलटसुलट चर्चा सुरू झाली आहे.
महत्त्वाची बाब | NEET Paper Leak Protest in Wardha
“विद्यार्थी हे देशाचे भविष्य आहेत. त्यांच्या अथक परिश्रमांना आणि गुणवत्तेला जेव्हा अशा पेपरफुटीच्या आणि भ्रष्टाचाराच्या घटनांमुळे तडा जातो, तेव्हा संपूर्ण शिक्षण व्यवस्थेवरील विश्वास उडतो. म्हणूनच, राजकीय मतभेद बाजूला ठेवून देशातील परीक्षा पद्धती अत्यंत पारदर्शक आणि सुरक्षित करणे हे काळाची गरज आहे, जेणेकरून कोणत्याही प्रामाणिक विद्यार्थ्याचे नुकसान होणार नाही.”
Also Read | Wardha : एसटी स्मार्ट कार्डच्या नावाखाली प्रवाशांची लूट? वर्ध्यात धक्कादायक प्रकार
व्हॉट्सॲप ग्रुपला जॉईन करा
अशाच राजकीय, सामाजिक आणि शैक्षणिक क्षेत्रातील ताज्या व खळबळजनक घडामोडींच्या अपडेट्स थेट तुमच्या मोबाईलवर मिळवण्यासाठी आजच आमच्या व्हॉट्सॲप ग्रुपला जॉईन करा.
