Vidarbha Temp Rises : सध्या उन्हाळ्याचा पारा ४० अंशांच्या वर गेल्याने केवळ अंगाची लाहीलाही होत नाहीये, तर रस्त्यावर धावणारी वाहनेही आगीच्या भक्ष्यस्थानी पडत आहेत. गेल्या काही महिन्यांत महामार्ग आणि शहरांत चालत्या गाड्यांना आग लागण्याच्या घटनांमध्ये २० ते ३० टक्क्यांनी वाढ झाली आहे.तुमचा प्रवास सुरक्षित करण्यासाठी खालील दिलेल्या या महत्त्वाच्या बाबींकडे दुर्लक्ष करू नका.
वाहने आगीच्या भक्ष्यस्थानी का पडतात?
- इंजिन ओव्हरहीटिंग : कडक उन्हामुळे आणि सतत एसी (AC) सुरू असल्याने इंजिनवर प्रचंड ताण येतो. कुलिंग सिस्टम कमकुवत असल्यास इंजिनमधील ऑईल किंवा इंधन पेट घेऊ शकते.
- शॉर्ट सर्किट : वाहनांमध्ये बाहेरून केलेली वायरिंगची फेरफार आगीसाठी ९० टक्के कारणीभूत असते.
- इंधन गळती (Fuel Leakage) : इंधन वाहून नेणाऱ्या पाईप्सना तडे गेल्यामुळे गळती होऊन आग लागण्याचा धोका वाढतो.
- इलेक्ट्रिक आणि गॅस वाहने : ईव्हीमधील बॅटरी तापल्यास ‘थर्मल रनअवे’मुळे स्फोट होऊ शकतो, तर सीएनजी गाड्यांमध्ये गॅस लिकेजचा धोका पेट्रोल गाड्यांपेक्षा अधिक असतो.
धोक्याचे संकेत ओळखा (Red Flags)
गाडी चालवताना खालील गोष्टी जाणवल्यास सतर्क व्हा | Vidarbha Temp Rises
- डॅशबोर्डवरील इंजिन टेंपरेचरची सुई रेड मार्ककडे जाणे.
- गाडीतून जळल्याचा किंवा रबराचा वास येणे.
- बोनटमधून धूर येणे किंवा एसी अचानक बंद पडणे.
- इंजिनमधून असामान्य आवाज येणे.
Also Read : १ जूनपासून ST प्रवाशांना मिळणार मोठी ‘फ्री’ सुविधा; नेमकं काय बदलणार?
सुरक्षिततेसाठी ‘या’ टिप्स फॉलो करा
- काचा थोड्या खाली ठेवा : उन्हात गाडी पार्क करताना काचा थोड्या खाली ठेवाव्यात जेणेकरून गरम हवा बाहेर पडेल.
- नियमित सर्व्हिसिंग : अधिकृत सर्व्हिस सेंटरकडून गाडीची वायरिंग, बॅटरी टर्मिनल आणि कुलंटची पातळी तपासून घ्या.
- फायर एक्स्टिंग्विशर : गाडीत नेहमी आग विझवण्याचे छोटे यंत्र (अग्निशमन यंत्र) ठेवा.
- सिस्टम लॉक झाल्यास : गाडीला आग लागल्यास सेंट्रल लॉकिंग सिस्टम निकामी होऊ शकते. अशा वेळी न घाबरता सीट बेल्ट कटरचा वापर करा किंवा खिडकीची काच कोपऱ्यावर प्रहार करून फोडा.
तज्ज्ञांचा सल्ला: गाड्यांमध्ये बाहेरून बसवलेली महागडी म्युझिक सिस्टम किंवा दिवे अनेकदा शॉर्ट सर्किटला निमंत्रण देतात. सुरक्षित प्रवासासाठी नेहमी कंपनी फिटेड ॲक्सेसरीजला प्राधान्य द्या.
तुमच्या मित्रांना आणि नातेवाईकांना ही माहिती शेअर करून त्यांचा प्रवास सुरक्षित करा!