बाभूळगाव दोन दुचाकीची समोरासमोर धडक दोघेही ठार.

*प्रतिनिधी मोहम्मद अदीब*

बाभूळगाव तालुक्यातील सरूळ परसोडी रस्त्यावर दोन दुचाकीची समोरासमोर धडक होऊन दुचाकीचे दोन्ही चालक ठार झाल्याची घटना शुक्रवारला सायंकाळी सहा वाजताच्या दरम्यान घडली. दुचाकी स्वार कुणाल ज्ञानेश्वर गांजरे वय 35 वर्ष राहणार वाटखेड खुर्द हा हा सरूळ वरून आपल्या दुचाकी वर भावासह गावी वाटखेड खुर्द येथे जात होता.

तर वाटखेड वरून देवानंद जगदेव राऊत वय 50 वर्ष हा दुचाकी घेऊन शेंदुर्जना खुर्द येथे जात असताना परसोडी गावाजवळ दोन्ही दुचाकीची समोरासमोर धडक झाली यात कुणाल ज्ञानेश्वर गांजरे हा जागीच गतप्राण झाला तर देवानंद जगदीश राऊत हा बाभूळगाव ग्रामीण रुग्णालयात मरण पावला निलेश रुपराव गांजरे वय 21 या जखमीला यवतमाळ येथे हलविण्यात आले आहे. अधिक तपास बाभूळगाव पोलीस करीत आहे.